التحرش الجنسي

---

التحرش الجنسى







بقلم : نبيل جلهوم *







الكبسولة الأولى :





نسبة كبيرة جدا من التحرش يتسبب فيه الأب والأم ...

لأنهم قد تهاونوا فى إلباس بناتهم اللباس الشرعى بحجج كثيرة ومنذ الصغر ...

البنت لسه صغيرة ...

الدنيا لسه أمان ...

خلى البنت تاخد راحتها ... بلاش الكبت .

عايزين نجوز البنت فلازم الناس يشوفوها حلوة عشان يترغبوا فيها ...

بلاش تزمت ..

البنت هتتعقّد كده ...



الكبسولة الثانية :



البنت صاحبة اللباس الشرعى مش ممكن هيبص لها أحد ...

البنت اللى بترد على اللى بيعاكسها بقوة وتعطيه بالحذاء لايمكن لأحد أن يقترب منها... لأنه هيخاف يتفضح .

فهى لغم قوى وبارود ناسف لكل من يحاول القرب بكلمة منها ... أما صاحبة البسمة الناعمة فهى التى تستحق التحرش ولا تلومنّ إلا نفسها .



الكبسولة الثالثة :



الإعلام الفاسد .. الله ينتقم منهم ....

أفسدونا نحن الكبار فما بالكم بالصغار ...

شوية مهند والعشق المتنيل بنيله ..

شوية مدرسة المشاغبين ..

شوية .. شوية ... وربنا الستير ...

لو الاعلام يرحمنا فى أولادنا ويكون محترم ويقدّم لأولادنا قيم وأخلاق ...

ساعتتها ربنا هيكرمنا ... ربنا يهدى الاعلام الفاسد أو ياخدهم يارب ...



الكبسولة الرابعة :



السادة أستاذة الجامعات اللى بيعطوا لبناتنا محاضرات بوقت متأخر ليلا لحد الثامنة ثم يسافر البنات لبلاد أخرى ...

أيعقل هذا ياسيدى الأستاذ الجامعى ... !!!

إعتبرهم بناتك يافندم وإعطيهم محاضراتهم بدرى وخليهم يوصلوا بيوتهم فى وضح النهار...

بناتنا أمانة عندكم ياسادة ياأساتذة ... إرحموهم وإرحمونا يرحمكم الله .



الكبسولة الخامسة :



ياكل من تعاكس وتتحرش ببنات الناس ...

أترضاه لأختك ...

أترضاه لأمك ...

أترضاه لعمتك ...

أترضاه لخالتك ...

أترضاه لجارتك ...

أكيد .... لأ لأ لأ ...

يبأه مافيش داعى ... خليك كبير تكسب قلوب الناس ويسعدك ربنا ويسترك بستره .



الكبسولة السادسة :



لازم ياللى بتعاكس وتتحرش تعرف أن نبينا محمد صلى الله عليه وسلم قال :

البر لايبلى والذنب لاينسى والديان لا يموت افعل ماشأت فكما تدين تدان .

حتما لو تحرشت وعاكست ... هييجى يوم شخص يتحرش بخطيبتك ..

يتحرش بزوجتك ... يتحرش بأمك ... يتحرش بعمتك ... يتحرش بخالتك ...

يتحرش ببنتك ...

إعمل حساب لليوم ده ... أعتقد مش هتقدر تستحمل هذا الشيء .. مضبوط !!



الكبسولة السابعة :



ياأبهات ياأمهات ياأفاضل ... سيبوكوا من تكاليف الزواج والخطوبة الكثيرة ..

إرحموا بناتكم واعرفوا أن أكثرهن بركة أقلهن مهورا .... ماتطلعوش في
العلالى سهلوا الأمور ربنا يسهلها على بناتكم ويتخطبتم ويتجوزا ويكونوا
بيوت سعيدة .



الكبسولة الثامنة :



ياآباء ... ياأمهات ... خلوا بناتكم يلبسوا فى البيت أجمل ماعندهم ويتزينوا
ويلعبوا .. بلاش يلبسوه خارج البيت ... وبعدين لا تلوموا الا أنفسكم .



الكبسولة التاسعة :



ياموظفات يافضليات ... الله يخليكوا كونوا فى البيوت متبرجات متزينات
لرجالكم خلوهم يشوفوكم بأحسن هيئة ساعدوهم على غض ابصارهم وحفظ فروجهم عشان
لما يخرجوا الشارع مافيش منظر كده والا كده يتعب نفوسهم ويقعدوا يدعوا
عليكم وعلى اليوم اللى فيه عرفوكم بسبب الجلبية المعفنة اللى مش هاين
عليكوا تقعلوها في البيت وتستبدلوها باللتى هى منها أبهى وأجمل وأحسن .



الكبسولة الإخيرة :



يارب إهد شباب المسلمين ... وأصلح أحوالهم وإحفظهم وخذ بأيديهم .

يارب إهد بنات المسلمين ... وارزقهم العفاف واللباس الشرعى المحترم .



_________________________________________

* عضو الملتقى الدعوى بالشبكة النسائية العالمية .

: 23-08-2012